أمبيرامتحانات مهندس كهرباء: فني وكفايات
الرئيسية / الشروط وسياسة الاسترجاع

الشروط وسياسة الاسترجاع

الاشتراك

  • الاشتراك دفعة وحدة لمدة محددة بتظهر بصفحة الاشتراك، وما في تجديد تلقائي ولا خصم من حسابك بعدين.
  • الاشتراك لشخص واحد، وبيرتبط بعدد الأجهزة اللي بباقتك (جهاز أو أكثر). كل جهاز بتدخل منه بيرتبط لحد ما توصل للعدد، وبتقدر تستخدمهم كلهم بنفس الوقت.
  • إذا غيّرت جهاز من أجهزتك، احكي معنا ومنحوّل الاشتراك للجهاز الجديد.

الدفع وكود التفعيل

  • بعد ما تحوّل المبلغ وترفع رقم الحوالة، منراجع الدفعة يدوياً، وعادة بيطلعلك كود التفعيل بصفحة الاشتراك خلال 24 ساعة.
  • إذا مرّ 48 ساعة وما وصلك الكود، احكي معنا وابعت رقم الحوالة، ومنحل المشكلة أو منرجعلك المبلغ كامل.
  • إذا الحوالة ما وصلت أو المبلغ ناقص، منبلغك بصفحة الاشتراك وبتقدر تبعت دفعة جديدة.

الاسترجاع

  • بترجعلك المبلغ كامل إذا ما قدرنا نفعّلك الاشتراك لأي سبب من عنا.
  • بعد ما يتفعّل الكود ويبلّش الاشتراك، المبلغ ما بيرجع، لأنه المحتوى بيصير متاح كامل من أول يوم.
  • إذا صار خلل تقني منعك تستخدم المنصة فترة طويلة، احكي معنا ومنمدّدلك الاشتراك.

الاستخدام المسموح

  • المحتوى للاستخدام الشخصي. ممنوع نسخ الأسئلة أو تصويرها أو نشرها أو مشاركة الحساب مع غيرك.
  • الموقع بيراقب الاستخدام غير الطبيعي، وممكن يوقف الحساب تلقائياً إذا لاحظ سحب للأسئلة أو مشاركة للحساب، وبدون استرجاع للمبلغ.

عن المحتوى

  • الأسئلة للتدريب والتحضير، ومش أسئلة الامتحان الرسمي نفسها. ما منضمن نتيجة معينة بالامتحان.
  • دليل الكفايات السلوكية منشور من جهته الرسمية، ومعروض هون للمراجعة مع ذكر المصدر.

للتواصل استخدم واتساب أو الإيميل الموجودين بالصفحة الرئيسية. اقرأ كمان سياسة الخصوصية. آخر تحديث: تشرين الثاني 2026